Upplýsingatækni/Að nota Microsoft Word
Hvað er Microsoft Word?
[breyta]Microsoft Word er ritvinnsluforrit hannað af Microsoft. Microsoft Word er hluti af Microsoft Office pakkanum sem er framleiðni hugbúnaður, en hægt er að kaupa Word forritið eitt og sér.
Uppsetning
[breyta]Til þess að geta byrjað að nota Microsoft Word í tölvunni þinni þarf að ganga úr skugga um að það sé sett upp. Best er að leita í tölvunni eftir orðinu Word, til þess að ganga úr skugga um hvort forritið sé til staðar. Ef það er ekki uppsett þá er hæ t að versla það hér: https://products.office.com/en/buy/office. Einnig er hægt að versla það hjá öðrum fyrirtækjum sem selja hugbúnaðalausnir.
Notkun
[breyta]Þegar Microsoft Word er uppsett í tölvunni þinni þá getur þú tvísmellt á forritið og það opnast. Fyrsta valmynd sem birtist hjá þér býður þér að velja sniðmát. Ef þú vilt hreint verkefni velur þú ,,Blank” en ef þig langar í sniðmát fyrir eitthvað tilefni, t.d. ferilskrá þá getur þú valið það.
Fyrir nemendur:
[breyta]Þetta forrit er tilvalið í kennslu til að leyfa nemendum að spreyta sig á því að sníða skjöl að sínu eigin höfði. Í forritinu er hægt að breyta um letur á texta, stærð og lit. Nemendur geta spreytt sig á því að setja inn töflur, myndir, form, tákn, höfuð og fót. Möguleikar Word eru endalausir og mjög nytsamlegt fyrir nemendur að læra á forritið.
Fyrir kennara:
[breyta]Forritið er hægt að nýta til þess að búa til verkefni fyrir nemendur, með því að sníða þau og útlitsmóta þau eins og kennara sýnist. Forritið býður upp á að breyta skjali yfir í PDF snið, sem er þægilegt að afhenda nemendum þegar það er tilbúið.