Sniðaspjall:Kennaranemar

Úr Wikibókunum, frjálsa kennslubókasafninu
Jump to navigation Jump to search

Tilgangur sniðsins[breyta]

Ég hef verið að lesa soldið í wikibókum og mér finnst þetta snið soldið skrítið. Sé það alltaf ef eitthver úr Kennaraháskólanum skrifaði efnið. Ekki það að ég þekki mikið til Wikibóka, en ég hef á tilfinningunni að þetta þjóni ekki á neinn hátt tilgangi verkefnisins. Mér finnst alveg nó að setja þau saman á Námsefni (það mætti alveg færa þá síðu yfir á Námsefni frá nemendum Kennaraháskólans, Wikibækur kennaranema eða eitthvað svipað). Mætti ekki frekar hafa þetta snið neðst á síðunni og ekki jafn áberandi. Eða hreinlega að fjarlægja það? --Steinninn 14. desember 2007 kl. 19:08 (UTC)

Þetta er ekki alltaf þegar einhver úr kennaraskólanum skrifar efnið. Þetta snið er notað fyrir verkefni sem nemendur mínir skrifuðu undir minni leiðsögn vorið 2007. Þeir skrifuðu lexíur sem eru undirkaflar í verkefni/wikibók með yfir 100 lexíum. Þó margar þessar lexíur geti staðið einar og sér sem námsefni þá eru þær fyrst og fremst sýnidæmi um hvernig kennarar/kennaranemar geta notað wikilexíur í kennslu. Er eitthvað sem mælir á móti því að sérstakt snið sé fyrir sérstakar wikibækur? Ég sé að það er oft gert á ensku wikipedia. Þetta snið er reyndar ekki fullbúið að ég hef sett það á allar síður sem ég hef verið að yfirfara og tilheyra þessu verkefni. Ég hef lagt mikla vinnu í þetta verkefni en það hefur mikið verið eyðilagt fyrir mér hér af stjórnendum á wikibooks m.a. undarlegum eyðingum og krukki í þetta efni af fólki sem ekki hefur kynnt sér eða hefur skilning á hvað verkefnið gengur út á. Ég hef reynt að rökstyðja hvað ég er að gera í margs konar rýmum hérna m.a. rökstutt andstöðu við einhverjar fíflalegar eyðingar á síðu eftir síðu. Ég bið þig að lesa http://is.wikibooks.org/wiki/N%C3%A1msefni/Wikilessons til að kynna þér þetta verkefni. Ég bara hef ekki tíma til að ræða um það lengur hérna og treysti mér til að nota wikibooks meira einmitt út af því að það er ekki skilningur á þessu verkefni og starf mitt hefur verið eyðilagt trekk í trekk. Ég hef hins vegar einsett mér að gera þær lexíur sem eru komnar sem best úr garði. Það koma því væntanlega engar fleiri lexíur með þessari merkingu. Ég ætlast ekki til að aðrir sem hafa hefðbundnari og leikmannlegri sýn á hvað námsefni er og hvernig beri að skrifa það á wikibooks hafi skilning á þessu viðfangsefni en mér þætti vænt um að aðrir eyði ekki sínum kröftum í eyðileggja það sem ég og nemendur mínir eru að gera. --Salvör Gissurardóttir 14. desember 2007 kl. 21:54 (UTC)

Þetta snið hefði ekki átt að heita kennaranemar, ég sé það. Það hefði átt að bera sama heiti og þetta verkefni (sem ber það asnalega nafn námsefni, ég hefði líka átt að hafa það meira lýsandi). Ég mun hugsanlega breyta þessu og setja noinclude í sniðið með útskýringum --Salvör Gissurardóttir 14. desember 2007 kl. 21:54 (UTC)

Mér finnst mjög óþægilegt þegar þú talar um að eitthver sé að eyðileggja vinnuna þína. Ég er að leggja hart að mér til að gera Wikimedia verkefnin betri, og er viss um að flestir hérna séu að gera það sama. Flestir hafa verið að reyna að bæta verkefnið með alskonar eyðingum og hreyngerningum. Ég vil ekki kalla það eyðileggingu. Bara af því að við erum ekki í kennaraháskólanum þýðir ekki að við höfum meiri eða minni rétt til að taka til og bæta verkefnið. Það er það sem við erum öll að reyna að gera. Ég sé ekki enþá ástæðu fyrir að hafa þessi snið. --Steinninn 15. desember 2007 kl. 09:07 (UTC)

Þú hefur sennilega ekki kynnt þér hvað gerðist hér á wikibooks í ágúst þegar 14 ára notandi sem var nýbyrjaður á wikibooks var gerður að stjórnanda og hann ætlaði að vera mjög mjög duglegur en hann þurrkaði út fjölmargar síður og setti ruglmerkingar á aðrar síður. Þessi vinnubrögð hröktu mjög marga góða notendur frá wikibooks sem því miður koma aldrei aftur og gerðu það að verkum að ég tel mig ekki geta unnið meira hérna nema að því að fullklára þetta verkefni sem ég var byrjuð á. Ég er ekki að ásaka þig um þetta, tek það fram.

Varðandi það að þú skiljir ekki tilgang með þessu sniði þá er það jafngilt því að þú segir um einhverja wikibók að þú skiljir ekki hvernig undirkaflar eru tengdir í aðalkafla og efnisyfirlit. Ég hefði getað haft aðalkafla (efnisyfirlit) þannig að allar síðurnar væru undirsíður en það er miklu takmarkaðra m.a. var ætlun mín að flokka undirsíðurnar sinna eftir efni og breyta þá þessum sniðum.
En ef það er leyfilegt að einstakar wikibækur hafi snið sem eru eingöngu notaðar í þeim wikibókum þá er ekkert að því að ég búi til snið fyrir wikibók sem ég er með í smíðum þannig að einstakir kaflar tengist í aðalsíðu eða einhverjar upplýsinga og samantektasíður. Það er víða gert í ensku wikibooks. Það er t.d. gert varðandi matreiðslubók. Ég fagna því að þú hafir áhuga á að vinna í þessari wikilexíubók og vona að þú gerir það en það gerir hana ekki betri ef þú stingur upp á því að henni sé splundrað og undirkaflar megi ekki tengjast í efnisyfirlit með sniði. Ég vil minna enn og aftur á að þessi wikibók er safn af sýnidæmum/lexíum um kennsluefni í wiki. það er svo aukabónus að hvert sýnidæmi er tilbúin lexía sem hægt er að nota beint.--Salvör Gissurardóttir 17. desember 2007 kl. 00:11 (UTC)