Námsefni/Umferðarfræðsla

Markmið[breyta]

Námsefnið er fyrir 7 - 9 ára grunnskólanemendur. Markmið verkefnisins er að gera nemendur meðvitaða um hve nauðsynlegt er að þekkja vel þær leiðir sem þeir fara í umferðinni. Hvaða leið sé best með tilliti til öryggis. Þekki umferðarmerkin sem þau sjá á leið sinni t.d. í skólann.

Sagan af Palla[breyta]

Palli var ósköp duglegur strákur. Á hverjum morgni dreif hann sig á fætur um leið og klukkan hringdi, eða klukkan 7, og klæddi sig í fötin, brustaði tennurnar og borðaði morgunmatinn sinn. Hann vildi alltaf leggja tímanlega af stað í skólann svo hann kæmi ekki og seint.

Það var langt fyrir Palla að fara í skólann en mamma hans og pabbi voru búin að kenna honum að fara góða og örugga leið í skólann. Oftast fór Palli þá leið sem öruggust var. Þá fékk hann á gangstéttinni, fór yfir götu á gangbraut og horfði vel til beggja hliða og hlustaði hvort hann heyrði í bíl. Ef það voru gangbrautarljós fór hann aldrei fyrr en græni kallinn kom. Hann var sem sagt fyrirmyndardrengur í umferðinni.

Nú rölti hann eftir gangstéttinni með skólatöskuna á bakinu og hugsaði um hvað það yrði gaman að hitta Jóa í skólanum. Jói var nefninlega besti vinum Palla. Þeir brölluðu nú margt saman. Fóru saman í bíó, byggðu kofa í sumar og ýmislegt skemmtilegt höfðu þeir gert.

Allt í einu sá hann eitthvað lítið og brúnt skjótast við fætur sér. Hvað var þetta? Nú var Palli forvitinn. Hann hljóp þangað sem hnoðrinn fór en rétt missti af honum. Þá tók hann eftir því að hann hafði hlaupið yfir götuna án þess að horfa og hlusta eftir bílum. Mikið var hann heppinn að hafa ekki orðið fyrir bíl.

Þegar Palli var rétt að koma að skólanum sá hann tvo stráka sem töluðu svo mikið saman að þeir tóku ekki eftir gangbraut rétt hjá heldur stukku á ská yfir götuna þar sem þeir voru. Þetta vissi Palli að átti ekki að gera. Það átti alltaf að fara yfir götu á gangbraut og þar sem var ekki gangbraut átti að fara beint yfir götuna og vera ekkert að drolla á leiðinni. og svo líka að hlusta og horfa vel í kringum sig. Palli kom á réttum tíma í skólann, heill á húfi einn daginn enn og vonandi verður það um ókomna tíð.

Vinnuferli og verkefnaskil[breyta]

Verið tvö og tvö saman. Teiknið upp á blað hvaða leið þið farið í skólann. Spjallið saman og athugið hvort þið finnið aðra leið í skólann sem er öruggri. Ef þið finnið öruggari leið þá teiknið þið nýju leiðina á kortið ykkar og skýrið út afhverju þessi leið er öruggari. Ef sú leið sem þið farið alltaf er að ykkar mati sú besta færið þá rök fyrir því.

Skoðið umferðarmerkin á vefsíðu umferðarráðs og föndrið það merki sem ykkur finnst miklu skipta að þekkja og er á ykkar leið í skóla eða aðra staði sem þið farið oft um. Þið megið nota ýmis föndurefni og teikniforrit, allt eftir því hvað ykkur hentar. Þegar þið hafið lokið verkefninu skuluð þið reyna ykkur á umferðarleikjunum frá Umferðarstofu.

Bjargir[breyta]

Mat[breyta]

Lagt verður mat á vinnusemi, samvinnu og frumkvæði ásamt nokkrum spurningum sem nemendur svara einslega.

1. Hvernig er öruggast að fara yfir götu ef það er engin umferðarljós?

2. Ef þú þarft að fara yfir götu þar sem ekki er gangbraut eða umferðarljós hvað áttu þá að gera?

Höfundur[breyta]

Bylgja Þráinsdóttir