Matreiðslubók/Vatnsdeigsbolla

Úr Wikibókunum, frjálsa kennslubókasafninu
Stökkva á: flakk, leita
Íslensk vatnsdeigsbolla með rjóma, sultu og súkkulaði ofaná

Einföld uppskrift af vatnsdeigsbollum

Hráefni[breyta]

4 dl vatn
160 g smjörlíki
250 g hveiti
1/4 tsk lyftiduft
5 egg ef mótaðar með skeið, 6 ef notuð er rjómasprauta.

Matreiðsla[breyta]

Vatn og smjörlíki sett í pott og suðan látin koma upp.

Hveitinu og lyftiduftinu bætt saman í pottinn og hrært hraustlega í með sleif þar til myndast hefur slétt og samfellt deig sem sleppir pottinum.

Hitinn tekin af og kælt aðeins.

Eggjunum hrært saman við einu í einu, hrært vel á milli.

Sett með skeið á bökunarplötu, 1 msk í hverja bollu.

Bakið í ofni í 30 — 35 mín. við 210°c (200°c í blástursofni.)

Varist að opna ofninn fyrr en vel er liðið á baksturstímann.

Bollurnar eiga að vera fallega ljósbrúnar, léttar og frekar stökkar að utan.

Ágætt að prófa að taka eina bollu og gá hvort hún er bökuð í gegn, ef svo er ekki má láta þær bakast sirka 5 mín. til viðbótar.

Wikipedia hefur upp á að bjóða efni tengt: