Matreiðslubók/Rúllubrauð með fyllingu

Rúllubrauð með fyllingu er einfalt að baka og hægt að nota nokkurnvegin hvaða fyllingu sem er. Meðal annars má gera úr því ólífubrauð og hvítlauksbrauð.

Brauð

Innihald

• 3 tsk. þurrger
• 3 dl. volgt vatn
• 1/4 dl. olía
• 1 tsk. salt
• u.þ.b. 3 1/2 bolli hveiti

Aðferð

1. Þurrgeri blandað saman við vatn og olíu.
2. Salti bætt við.
3. Hveiti sett út í og hrært vel saman við á meðan.
4. Látið lyftast á heitum stað, svo sem vaski fullum af heitu vatni.
5. Þegar það er búið að lyftast er það hnoðað og flatt út í ílangann rétthyrning.

Fylling

Fyllingin getur, eins og áður sagði, verið margskonar, hér eru tvö dæmi:

Ólífubrauð

• 2 dl. ostur
• 15 ólífur

Brauð með sólþurrkuðum tómötum

• 2 dl. ostur
• 10 sólþurrkaðir tómatar
• 8 ólífur
• Hvítlaukssalt
• Basilíka

Aðferð

1. Því sem á að vera í fyllingu dreift jafnt yfir útflatt brauðið.
2. Öllu saman rúllað upp.
3. Látið lyftast á heitum stað aftur (eða látið í kaldan ofn meðan ofninn er að hitast).
4. Látið bakast í miðjum ofni við 180°C í um það bil 30 mínútur.