Matreiðslubók/Kakósúpa

Úr Wikibókunum

Kakósúpa er súpa eða grautur sem er hægt að nota sem aðalrétt eða eftirmat.

  • 3 msk kakó
  • 3 msk sykur
  • 0,5 tsk kanill (má sleppa)
  • 400 ml vatn
  • 800 ml mjólk
  • 1 msk kartöflumjöl
  • salt

Aðferð[breyta]

Kakó, sykur og mest allt vatnið sett í pott og hrært þar til kominn er sléttur jafningur. Hitað að suðu og soðið við hægan hita í 5 mín. Þá er mjólkinni hellt út í, súpan hituð að suðu og látin malla í 2-3 mín. Kartöflumjölið hrært út í vatninu sem eftir er, potturinn tekinn af hitanum og súpan jöfnuð og söltuð ögn. Borið fram með tvíbökum eða kringlum. Til hátíðabrigða er hægt að nota rjóma út á.