Þjóðtákn

Úr Wikibókunum, frjálsa kennslubókasafninu
Jump to navigation Jump to search
Íslenski fáninn
Forsetafáninn
Skjaldarmerki Íslands

Þessi wikibók er hugsuð sem ýtarefni fyrir námsefnið Komdu og skoðaðu, sem er námsefni ætlað yngsta stigi grunnskóla.

Þjóðartákn

Fáni

Íslenski þjóðfáninn er blár með hvítum og rauðum krossi. Bláu reitirnir við fánastöngina eru ferningar. Hinir bláu reitirnir eru jafnbreiðir ferningunum en tvisvar sinnu lengri. Hvíti krossinn á að vera í miðju rauða krossins. Litir fánans eru „heiðblár“ sem táknar fjallablámann, „eldrauður“ sem táknar eld og „mjallhvítur“ sem táknar ís. Fáni forseta Íslands er hinn íslenski ríkisfáni (tjúgufáni). Á miðjum krossinum er skjaldarmerki Íslands og skjaldberar á hvítum ferhyrningi.


Skjaldarmerki

Íslenska skjaldarmerkið er silfurlitaður kross á bláum grunni. Í miðjum krossinum er annar eldrauður kross. Skjöldurinn stendur á hellu úr stuðlabergi. Fjórar landvættir bera skjöldinn, eru skjaldberar. Hægra megin við skjöldinn er griðungur en vinstra megin við hann er bergrisi. Fyrir ofan griðunginn er gammur, en fyrir ofan bergrisann er dreki.


Þjóðsöngur

Íslenski þjóðsöngurinn heitir Lofsöngur. Lagið er eftir Sveinbjörn Sveinbjörnsson en textinn er eftir Matthías Jochumsson. Hann var saminn fyrir hátíðarhöld sem fram fóru í tilefni af 1000 ára byggð á Íslandi.


Hópverkefni

Veljið eitt af eftirtöldum verkefnum:

Teiknið mynd af íslenska fánanum og reynið að hafa bláu reitina í réttum hlutföllum.

Búið til ykkar eigið skjaladarmerki eða reynið að teikna íslenska skjaldarmerkið.

Smellið á orðið lofsöngur í textanum um þjóðsönginn og hlustið. Finnið síðan textann og æfið ykkur að syngja þjóðsönginn.


Heimildir

Vefsíða forsætisráðuneytisins um íslenska fánann, skjaldarmerkið og þjóðsönginn


Tenglar

Lofsöngur-myndband