Að nota Snagit

Úr Wikibókunum

Snagit[breyta]

Snagit hugbúnaðurinn aðstoðar þig við að búa til og deila, skjámyndum fyrir kynningar, prentefni og fleira slíkt. Vinnuflæðið í hugbúnaðinum er einfalt og bíður uppá töku skjámynda, vistun, breytingar og deilingu hvenær sem er.


Flýtilyklar veita þann möguleika að nota hugbúnaðinn á þess að horfa á notendaviðmótið. Hægt er að breyta skipunum og lyklum í gegnum Snagit > Tools > Program Preferences > Hotkeys eða smella með hægri músarhnappi á Prófíl og velja skipunina Set Hotkey. Eftirfarandi eru nokkrar skipanir sem notaðar eru við skjámyndatöku í Snagit: Til þess að taka skjámynd þarf að smella á stóra rauða hnappinn eða nota flýtilykilinn sem er merktur á lyklaborðinu <Print Screen>.

  • Smellið og haldið til að velja svæði sem taka á mynd af.
  • Sveimið yfir gluggum til þess að velja þá eða til að velja svæði innan þeirra. Ef sveimað er yfir titillínu glugga er allur glugginn valinn.
  • Til að taka mynd af skrunandi glugga, smellið á appelsínugulu örina sem vísar í þá átt sem þú vilt skruna. Þetta getur verið lóðrétt, lárétt eða bæði.

Nú opnast þessi skjámynd sem þú tókst í Editornum, sem sjálfkrafa birtir myndina. Yfirlit yfir Editorinn

Editorinn er notaður til þess að bæta við texta, talbólum, brúnum, borðum og fleira.

Fliparnir[breyta]

Fliparnir eru notaðir til þess að velja milli mismunandi hópa af skipunum. Þeir hópar eru Draw, Image, Hotspot, Tags, View og Send. Nánar um flipana neðar.

Verkfærin[breyta]

Verkfærin breytast eftir því hvaða flipi er valinn.

Skjámynd[breyta]

Hér birtist skjámyndin sem verið er að vinna með í augnablikinu.

Leita og merkja[breyta]

Í þessum glugga er hægt að skoða alla skjámyndatökur sem teknar hafa verið. Hér er hægt að leita að ákveðnum myndum og hópa þær saman með merkingum.


Fliparnir

Draw[breyta]

Í draw flipanum eru teikni- og áherslutólin. Eftir að búið er að velja teiknitól, er valið úr Style skipanasafninu eða notað Outline, Fill eða Effects til þess að búa til eigið útlit á þá grafík sem verið er að búa til hverju sinni. Hér eru líka nokkrar aðrar skipanir eins og Copy, Cut og Paste.

Image[breyta]

Image flipinn er valinn þegar vinna á með myndina sem heild frekar en einstaka hluta hennar. Hér eru skipanir eins og Crop, Trim og Resize í Canvas skipanasafninu, Border, Effects og Edges eru í Image skipanasafninu og í Modify safninu eru skipanir sem til dæmis breyta litum og lýsingu.

Hotspots[breyta]

Hotspot flipinn inniheldur skipanir sem eru notaðar þegar búa þarf til tengla á vefsíður. Ef nota á þennan möguleika verður að vista myndina í formati sem inniheldur slíka möguleika eins og SWF.


Tags[breyta]

Hér er möguleiki að merkja skjámyndirnar með svokölluðum tögum. Þessi tög eru lykilorð sem notuð eru þegar þarf að leita að myndum í stórum söfnum mynda. Þessu fylgja einnig ýmsar tæknilegar upplýsingar s.s. dagsetning, höfundur ofl.

View[breyta]

Hér leynast þær skipanir sem notaðar eru til að skoða myndirnar á ýmsan máta. Hér eru einnig tenglar á hjálparsíður framleiðanda forritsins.

Send[breyta]

Send flipinn inniheldur skipanir sem gera kleift að senda myndirnar beint í ýmis forrit svo sem Microsoft Exel, Word, Powerpoint og fleira. Einnig er hér skipun til að senda myndirnar á screencast.com vefinn.

Eftir að búið er að klippa myndina, setja á hana áherslumerki, texta og það sem þarf, er hún vistuð.