Vefleiðangrar/Þjóðgarðurinn Snæfellsjökull

Kynning

Tilgangurinn með þessum vefleiðangi er að þið nemendur í 9. eða 10. bekk kynnið ykkur þjóðgarðinn Snæfellsjökul. Í þjóðgarðinum sem var stofnaður 28. júní 2001 er margt forvitnilegt að finna!

Verkefni

Kynnið ykkur þjóðgarðinn Snæfellsjökul og útbúið kynningabækling með forritinu Microsoft Publisher um það sem ykkur þykir merkilegast þar! Þegar þið útbúið bæklinginn skuluð þið setja ykkur í spor t.d. íbúa staðarins, ferðamanns sem skoðar staðinn/hlutinn, þann sem þurfti að nota hlutinn eða jafnvel persónu í Íslendingasögu! Þetta má vera um stað, sögu, hluti eða bara hvað sem er sem tengist þjóðgarðinum!

Myndir

• 

  Toppurinn á Snæfellsjökli

Vefslóðir

Hér eru örfáar vefslóðir til að koma ykkur af stað, ég vil þó minna ykkur á leitarvefi á borð við Google og Yahoo, ekki hika við að leita að upplýsingum þar!

• Kort o.fl.
• Upplýsingar
• Áhugaverðir staðir
• Heimasíða Snæfellsbæjar

Ferli

1. Þú færð eina tölvu til þess að kynna þér þjóðgarðinn Snæfellsjökul.
2. Þegar þú ert búin að kynna þér þjóðgarðinn tekurðu fyrir 1 til 2 atriði sem þér fannst merkilegust og útbýrð bækling í Microsoft Publisher um efnið.
3. Í bæklingnum þarftu að setja þig í spor einhvers (sjá í verkefnalýsingu).
4. Þú þarft að hafa heimildaskrá aftast í bæklingnum!
5. Þegar þú ert búin/n kemurðu til mín (kennarans) og ég prenta bæklinginn út.
6. Í næsta tíma sýnið þið bekkjarfélögum ykkar bæklinginn!

Mat

Þetta einstaklingsverkefni gildir sem 10% af lokaeinkunn í faginu! Þegar ég fer yfir bæklinginn tek ég tillit til þess hversu mikil vinna hefur verið lögð í bæklinginn.

Niðurstaða

Nú ættuð þið að vera einhvers vísari um þjóðgarðinn Snæfellsjökul eftir að hafa lokið við þennan vefleiðangur. Vonandi mun sú vitneskja sem þið öfluðuð ykkur nýtast ykkur eitthvað í framtíðinni :o)

Höfundur

Jóhanna Kristín Gísladóttir