Matreiðslubók/Áramótasúpa

Úr Wikibókunum

Áramótasúpa hentar vel á hátíðisdögum sem forréttur. Smakkast einnig vel upphituð.

Innihald[breyta]

  • 400 gr. sveppir
  • 3 msk. smjör
  • 1 l vatn
  • 3-4 tsk. kjötkraftur
  • 4 msk. hveiti, hrært í köldu vatni
  • 150 gr. rækjur
  • 2 msk. Sherry
  • 1 tsk. dill
  • 2 msk. steinselja
  • 1 eggjarauða
  • 180 gr. hreint jógúrt
  • steinselja til skreytinga
  • 1 dl rjómi

Aðferð[breyta]

  1. Brúnið sveppina í smjörinu í um það bil 5 mín., bætið síðan vatni og krafti út í og jafnið með hveitijafningi.
  2. Látið sjóða vel, hrærið stöðugt í.
  3. Kryddið með salti og pipar.
  4. Setið rækjur, Sherry og dill út í súpuna.
  5. Hitið rækjurnar eru orðnar heitar, en þær mega alls ekki sjóða því þá verða þær seigar.
  6. Þeytið saman eggjarauðu og jógúrt, blandið í súpuna.
  7. Síðast kemur rjóminn og hitið en sjóðið ekki.
  8. Stráið steinselju yfir hvern disk til skreytinga.

Ábendingar[breyta]

  • Sleppa má annað hvort rækjunum eða sveppunum ef einhver borðar ekki slíkt.